türk döletliri teshkilati aqsaqallar kéngishi ashxabadta ötküzülidu

türkiye awazi radiyosi xewiri: eza döletlerning aqsaqalliri (meslihetchiliri) qatnishidighan yighinda, kéngeshning reisi binali yildirim türkiyege wekillik qilidu.

yighinda ilgiri maqullanghan qararlar muzakire qilinip, eza döletler otturisidiki hemkarliqni ashurushning yolliri üstide izdinish élip bérilidu.

türk döletliri teshkilati aqsaqalliri mushuning bilen 15 - qétim bir yerge jem bolghan bolidu.

türkmenistan pirézidénti serdar berdimmuhemedow méhmanlarni eng yuqiri sewiyede kütüwélish üchün mexsus qararname chiqardi.

türkmenistanning milliy rehbiri we aqsaqili qurbanguli berdimuhemmedowning sahibxanliqida kütüwélinidighan aqsaqallargha, resmiy iptar ziyapiti bérilidu we ziyapette quran tilawet qilinidu.

kéngesh yighinigha, teshkilatning asasliq ezasi türkiye, ezerbeyjan, qazaqistan, qirghizistan we özbékistan, shundaqla közetküchi dölet wéngiriye yollighan aqsaqallarmu qatnishidu.