tatar bezi chong döletlerning ghezze mesiliside ikki yüzlimichilik qilghanliqini otturigha qoydi
shimaliy qibris türk jumhuriyiti jumhur reisi ersin tatar bezi chong döletlerning israiliyening ghezzediki qirghinchiliqi toghrisida ikki yüzlimichilik qilishigha naraziliq bildürdi.
türkiye awazi radiyosi xewiri: -nöwetlik antalya diplomatiye munbirige ishtirak qilish üchün kelgen shimaliy qibris türk jumhuriyiti jumhur reisi ersin tatargha anadolu agéntliqining «israiliyening ghezzede sadir qilghan jinayetliri delil mahiyitidiki resimler bilen namayan qilip bérilgen <ispat>» namliq kitabi teqdim qilindi.
kitabtiki süret we uchurlargha köz yürgürtken tatar, kitabni körüp, israiliyening ghezzediki qirghinchiliqi we wehshiylikidin yene bir qétim heyran qalghanliqini éytti.
u israiliyening ghezzede yardem kütüp turuwatqan puqralargha qilghan hujumini eyiblidi we ghezzede 30 mingdin artuq ademning öltürülüshini «qobul qilghili bolmaydighanliqi»ni qeyt qildi.
ghezze mesiliside «qosh ölchem» qollinilghanliqigha shahit bolghanliqigha isharet qilghan tatar: «ghezzediki qirghinchiliqni oylighinimizda, dunyadiki bezi chong küchlerning ikki yüzlimichilik qilip, qosh ölchem qollanghanliqini, ularning közlirige körüngen menpeetni qolgha keltürüsh üchün, bir ewladni qirghin qilishqa tutushqanliqini körduq. buninggha qarap, men dunyaning kelgüsidin ensirewatimen» dégenlerni qeyt qildi.
مۇناسىۋەتلىك خەۋەرلەر
ezerbeyjan bash ministiri türkiyede ziyarette bolmaqta
ezerbeyjan bash ministiri eli esedof türkiyede dölet ishliri ziyaritide bolmaqta.
özbékistan bilen wéngiriye erkin iqtisadiy rayon quridu
özbékistanda wéngiriye we yawropa shirketliri üchün alahide erkin iqtisadiy rayon qurulidu.
