qirghizistan we mongghuliye parlaméntliri hemkarliq kélishimi imzalidi
qirghizistan parlaménti bashliqi nurlanbék shakiyéw paytext bishkekte dölet ishliri ziyaritide bolghan mongghuliye parlaménti reisi zandanshatar gombojaw bilen körüshti.
türkiye awazi radiyosi xewiri: shakiyéw yighinda söz qilip, qirghizistan we mongghuliye xelqlirining ijtimaiy-iqtisadiy hemkarliq bilenla emes, belki esirler muqeddem chaghlargha tutishidighan köchmen charwichiliq turmushidin bashlanghan tarixiy we medeniyet rishtisi bilenmu bir-birige ching baghlanghanliqini éytti.
yéqinqi yillardin buyan ikki dölet munasiwitining nahayiti tereqqiy qilghanliqini eskertken shakiyéw, parlaméntlar ara diyalog we parlamént diplomatiyesini chongqurlashturushning muhimliqini tekitlidi.
mongghuliye parlaménti bashliqi gombojawmu dölitining qirghizistan bilen soda, sayahet we maarip qatarliq sahelerdiki hemkarliqni tereqqiy qildurushni xalaydighanliqini tekitlidi.
u qirghizistan parlaménti bashliqi shakiyéwni bu yil mongghuliyede ötküzülidighan «altaydin halqighan sijil söhbet» munbirige teklip qildi.
söhbet axirlashqandin, shakiyéw bilen gombojaw qirghizistan we mongghuliye parlaméntliri otturisida hemkarliq kélishimi imzalidi.
مۇناسىۋەتلىك خەۋەرلەر
ezerbeyjan bash ministiri türkiyede ziyarette bolmaqta
ezerbeyjan bash ministiri eli esedof türkiyede dölet ishliri ziyaritide bolmaqta.
özbékistan bilen wéngiriye erkin iqtisadiy rayon quridu
özbékistanda wéngiriye we yawropa shirketliri üchün alahide erkin iqtisadiy rayon qurulidu.
