әзәрбәйҗан армийәси әрменийә қисимлиридин өч алди
баку әрменийә қисимлири оқ чиқирип постта туруватқан бир әзәрбәйҗан әскәрни йариландурғандин кейин, «өч елиш һәрикити» елип барғанлиқини уқтурди.
2101573
түркийә авази радийоси хәвири: әзәрбәйҗан дөләтлик чегра мулазимити идариси байанат елан қилип, чегра қоғдиғучиларниң әрменийәниң түнүгүнки қутратқулуқидин интиқам елиш үчүн һәрбий һәрикәт елип барғанлиқини билдүрди.
байанатта, әзәрбәйҗан әскәрлиригә оқ чиқирилған җайниң пүтүнләй вәйран қилинғанлиқи вә әрменийә әскәрлири сепидә адәм өлүш әһвалиниң көрүлгәнлики тәкитләнди.
әрменийәниң қутратқулуқлириға буниңдин кейин техиму еғир вә әҗәллик инкас қайтурулидиғанлиқиға ишарәт қилинған байанатта, вәқәниң җавабкариниң әрменийә сийасий вә һәрбий даирилири икәнлики қәйт қилинди.
әрменийә дөләт мудапиә министирлиқи байанат елан қилип, дәсләпки тәкшүрүшләргә қариғанда, әзәрбәйҗанниң өч елиш һәрикити җәрйанида, икки әрмән әскәрниң һайатидин айрилғанлиқини уқтурди.
түнүгүн, зәнгилан вилайитиниң қоллуқишлақ йезиси йөнилишидики әзәрбәйҗан һәрбий орунлириға кафан вилайитиниң нәркин-анд йезиси йөнилишидики әрменийә базилиридин оқ чиқирилғанлиқи, вәқәдә бир әзәрбәйҗан әскириниң йариланғанлиқи билдүрүлгәниди.
مۇناسىۋەتلىك خەۋەرلەر
әзәрбәйҗанда 5.2 бал йәр тәвриди
әзәрбәйҗан йәр тәврәш мулазимәт мәркизи йәр тәврәш һәққидә байанат елан қилди.
әзәрбәйҗан – әрменийә тинчлиқ сөһбити башланди
әзәрбәйҗан билән әрменийә оттурисидики тинчлиқ сөһбити қазақистанниң алмата шәһиридә башланди.
