түркийә билән қирғизистан оттурисида 62 маддилиқ һәрикәт пилани имзаланди
түркийә билән қирғизистан оттурисида 11-нөвәтлик түркийә-қирғизистан бирләшмә иқтисадий комитети келишимнамиси вә униңға мунасивәтлик 62 маддилиқ һәрикәт пилани имзаланди.
түркийә авази радийоси хәвири: түнүгүн муавин җумһур рәис җәвдәт йилмаз вә қирғизистан министирлар кеңиши рәиси ақилбәк җапаров пайтәхт әнқәрәдики җумһур рәислик мәһкимисидә айрим айрим вә һәйәтләрара учришиш өткүзди.
учришиштин кейин, түнүгүн муавин җумһур рәис җәвдәт йилмаз вә қирғизистан министирлар кеңиши рәиси ақилбәк җапаровниң рийасәтчиликидә түркийә-қирғизистан бирләшмә иқтисад комитетиниң 11-нөвәтлик йиғини өткүзүлди.
йиғиндин кейин, икки дөләт оттурисидики келишимләргә имза қойуш мурасими башланди.
түркийә-қирғизистан бирләшмә иқтисадий комитети келишимнамиси вә униңға мунасивәтлик 62 маддилиқ һәрикәт пиланиға имза қойған йилмаз вә җапаровниң һузурида, кометит даирисидә қатнаш вә ул әслиһә министирлиқи билән қирғизистан җумһурийити һөкүмити оттурисида 1992-йили 4-айниң 28-күни бишкәктә имзаланған хәлқара ташйол тирансипорт келишимигә түзитиш киргүзүш келишимнамиси вә түркийә експортчилар мәҗлиси билән қирғизистан екиспорт тәрәққийат вә илгири сүрүш мәркизи оттурисидики һәмкарлиқни чүшиниш әсләтмиси имзаланди.
имза қойуш мурасимидин кейин йилмаз билән җапаров бирләшмә ахбарат елан қилиш йиғини чақирди. йиғинда, икки тәрәплик сода соммисиниң һазир 1 милйард 600 милйон долларға йәткәнлики вә түнүгүн өткүзүлгән түркийә-қирғизистан бирләшмә иқтисадий комитети келишимнамиси вә униңға мунасивәтлик 62 маддилиқ һәрикәт пилани йиғининиң төһписи билән бу соммини техиму йуқири көтүридиғанлиқи билдүрүлди.
مۇناسىۋەتلىك خەۋەرلەر
әзәрбәйҗанда 5.2 бал йәр тәвриди
әзәрбәйҗан йәр тәврәш мулазимәт мәркизи йәр тәврәш һәққидә байанат елан қилди.
әзәрбәйҗан – әрменийә тинчлиқ сөһбити башланди
әзәрбәйҗан билән әрменийә оттурисидики тинчлиқ сөһбити қазақистанниң алмата шәһиридә башланди.