eliyéw 5-nöwetlik saylamda ghelibe qildi
ezerbeyjanda pirézidént ilham eliyéwning saylamda ghelibe qilghanliqi tebriklendi.
türkiye awazi radiyosi xewiri: ezerbeyjanda tünügün (7-féwral) ötküzülgen pirézidéntliq saylimida ilham eliyéwning ghelibe qilghanliqining jakarlinishi bilen, paytext baku xelqi sheher merkizige sel bolup aqti.
kaspiy déngizi qirghiqidiki milliy baghchida, heyder eliyéw merkizining aldi we fewwariler meydanida toplanghan amma, her xil paaliyetler bilen pirézidént eliyéwning saylamda ghelibe qilghanliqini tebriklidi.
ezerbeyjan xelqi yette wezipe öteydighan yéngi pirézidéntni saylash üchün awaz tashlidi.
ezerbeyjan merkiziy saylam kéngishining bashliqi mezahir penaxow biresmiy netijilerge asasen ilham eliyéwning %92.1 awazgha érishkenlikini élan qildi.
ezerbeyjanda 21 yildin buyan pirézidént bolup wezipe ötewatqan ilham eliyéw bu qétimqi saylamdimu zeper quchup, 5-nöwet pirézidént bolushning salahiyitige érishti. heyder eliyéw wapat bolghandin kéyin, 2003-yili ötküzülgen saylamda pirézidéntliqqa saylanghan ilham eliyéw, «ghalib xelqning ghalib rehbiri» shoari bilen qatnashqan bu saylamdimu ghelibe qildi.
مۇناسىۋەتلىك خەۋەرلەر
ezerbeyjan bash ministiri türkiyede ziyarette bolmaqta
ezerbeyjan bash ministiri eli esedof türkiyede dölet ishliri ziyaritide bolmaqta.
özbékistan bilen wéngiriye erkin iqtisadiy rayon quridu
özbékistanda wéngiriye we yawropa shirketliri üchün alahide erkin iqtisadiy rayon qurulidu.
