üstel: bizning pelestinge oxshimaydighan teripimiz türkiyening ana wetinimiz bolushidur
shimaliy qibris türk jumhuriyiti bash ministiri ünal üstel: «bizning pelestinge oxshimaydighan teripimiz türkiyening ana wetinimiz bolushidur» dédi.
türkiye awazi radiyosi xewiri: türkiye büyük dölet mejlisi mudapie komitéti ezalirini qobul qilghan ünal üstel xelqara jemiyetning israiliyening aq déngizning merkizige jaylashqan ghezzede ayallar we balilarni öz ichige alghan pelestinliklerni qirghin qilishini inkassiz tamasha qilip turushigha naraziliq bildürüp: «bizning pelestinge oxshimaydighan yérimiz shuki, türkiye bizning ana wetinimiz. eger 1974-yilidiki qibris tinchliq herikiti bolmighan bolsa idi, bizmu bolmighan bolattuq» dédi.
yawropa ittipaqi bilen birleshken döletler teshkilati (b d t) ning ghezzediki qirghinchiliqlargha qarshi turush chaqiriqlirigha qulaq yupurup kéliwatqanliqini bildürgen üstel, bu ehwalgha türkiye we jumhur reis rejep tayyip erdoghanning qarshi chiqqanliqini otturigha qoydi.
türkiyening shimaliy qibris türk jumhuriyitidin héchqachan héchnémisini ayimighanliqini bildürgen üstel, dölitige yürgüzülüwatqan émbargolarni tenqidlep, dunya bilen bolghan alaqisini türkiye arqiliq kapaletke ige qilip kéliwatqanliqini qeyt qildi.
مۇناسىۋەتلىك خەۋەرلەر
ezerbeyjan bash ministiri türkiyede ziyarette bolmaqta
ezerbeyjan bash ministiri eli esedof türkiyede dölet ishliri ziyaritide bolmaqta.
özbékistan bilen wéngiriye erkin iqtisadiy rayon quridu
özbékistanda wéngiriye we yawropa shirketliri üchün alahide erkin iqtisadiy rayon qurulidu.