tatar: türkiye eskerlirining qibristiki mewjutluqigha ehmiyet bérimiz
shimaliy qibris türk jumhuriyiti jumhur reisi ersin tatar: «türkiye eskerlirining qudretlik bir armiye süpitide bu yerdiki mewjudiyitige ehmiyet bérimiz. bular bizning qizil siziqlirimiz» dédi.
türkiye awazi radiyosi xewiri: qibris türk agéntliqining xewirige qarighanda, shimaliy qibris türk jumhuriyitining paytexti lefkoshada aywasil shéhitlirini xatirilesh murasimi ötküzülgen.
jumhur reis ersin tatar murasimda söz qilip, qibris türk xelqining 1960-yilidin ilgiriki yaki 1974-yilidin burunqi dewrge qaytishni xalimaydighanliqini tekitlep: «dunya qibris türk xelqining iradisige hörmet qilishi kérek. biz öz dölitimizning bayriqi astida, ana wetinimizning kapaletchilikige we qudretlik türkiye eskerlirining bu yerdiki mewjudiyitige ehmiyet bérimiz. bular bizning qizil siziqimiz» dégen.
tatar ikki döletlik siyasetke isharet qilip: «biz peqet igilik hoquqluq barawer ikki dölet yanmuyan turup özara hemkarlishidighan hel qilish endizisigila qoshulalaymiz. biz ularning bizni türkiyesiz, ana wetenning kapaletchiliki bolmighan bir tewekkülchilikke sörep kirishige hergiz qoshulmaymiz we hergiz qoshulmasliqimiz kérek» dégenlerni sözlirige ilawe qilghan.
مۇناسىۋەتلىك خەۋەرلەر
ezerbeyjan bash ministiri türkiyede ziyarette bolmaqta
ezerbeyjan bash ministiri eli esedof türkiyede dölet ishliri ziyaritide bolmaqta.
özbékistan bilen wéngiriye erkin iqtisadiy rayon quridu
özbékistanda wéngiriye we yawropa shirketliri üchün alahide erkin iqtisadiy rayon qurulidu.