qazaqistanda  bir méhmanxanigha ot kétip 13 kishi qaza qildi

türkiye awazi radiyosi xewiri: qazaqistan jiddiy haletlerge taqabil turush ishxanisining bildürishiche,  30 – noyabir etigen saet 05:33 de, almuta shehiri adi sheripof kochisi 86 – nomurluq binada ot apiti yüz bergenlikige dair doklat tapshuriwélinghan. tunji ot öchürüsh etriti 7 minuttin kéyin neq meydangha yétip barghan. ot öchürüsh etriti yétip barghanda üch qewetlik binaning yer asti qewiti we méhmanxana qilip ishlitilgen birinchi qewiti koyüwatqan bolup, deslepki éniqlashlargha qarighanda, öchürüsh tirishchanliqigha qarimay 13 kishi qaza qilghan.

saqchilar ot apitide qaza qilghanlarning kimliki éniqlanghanliqini we edliyelik tekshürüshning bashlanghanliqini bildürdi.

deslepki sanliq melumatlargha asaslanghanda, ölümler karbon oksiddin zeherlinish tüpeyli yüz bergen.

ot apiti yüz bergende méhmanxanida 72 kishining barliqi, 59 kishining öz tirishchanliqi bilen qutulghanliqi uqturuldi.

ot etigen saet 06:22 de öchüriwélindi.

köyüp ketken yerning omumiy kölümi 30 kwadrat métir dep hésablandi, ot apitining sewebi téxiche éniqlanmidi.