hajiyéw: erméniye tinchliqning yiltizini sirttin izdimesliki kérek
ezerbeyjan muawin pirézidénti hikmet hajiyéw, erméniyening tinchliqning yiltizining washington, biryussél we parizhda emes, belki kawkaz rayonida ikenlikini chüshinip yétishi kéreklikini otturigha qoydi.
türkiye awazi radiyosi xewiri: muawin pirézidént hikmet hajiyéw erméniye hökümitini «yönilishini rayongha burap, tinchliq ornitish we estayidil muweppeqiyetlerni qolgha keltürüsh üchün, ezerbeyjan bilen söhbetlerni dawamlashturush»qa chaqirdi we sözini dawamlashturup: «ezerbeyjanning niyiti yaxshi. dölitimizning igilik hoquqi kapaletke ige qilindi, rayonda adalet we xelqara qanunni asas qilghan yéngi we qanunluq hökümet tesis qilindi» dédi.
2022-yili mayda, ezerbeyjan tashqi ishlar ministirliqi erméniye bilen bolghan munasiwetni normallashturushning besh pirinsipini élan qilghanidi.
bular özara igilik hoquqni étirap qilish, özara zémin telipining yoqluqini jezmleshtürüsh, ikki döletning özara bixeterlik tehditi peyda qilmasliqqa ehde qilishi, dölet chégralirining belgilinishi, diplomatik munasiwet ornitip, qatnash we alaqe yollirini échish qatarliqlar idi.
21 – noyabir ezerbeyjan tashqi ishlar ministirliqi erminiyege ikki döletning ortaq chégrasida tinchliq musapisini muzakire qilishni teklip qildi. ministirliq wekilliri eriwanning ezerbeyjanning söhbet ötküzüsh telipige ikki yérim aydin kéyin andin jawab qayturghanliqini bildürüp: «tinchliq söhbitidiki bu xil toxtap qélishlar rayonning muqimliqi we güllinishige paydiliq emes» dégenidi.
مۇناسىۋەتلىك خەۋەرلەر
ezerbeyjan – erméniye tinchliq söhbiti bashlandi
ezerbeyjan bilen erméniye otturisidiki tinchliq söhbiti qazaqistanning almata shehiride bashlandi.
ezerbeyjan bash ministiri türkiyede ziyarette bolmaqta
ezerbeyjan bash ministiri eli esedof türkiyede dölet ishliri ziyaritide bolmaqta.
özbékistan bilen wéngiriye erkin iqtisadiy rayon quridu
özbékistanda wéngiriye we yawropa shirketliri üchün alahide erkin iqtisadiy rayon qurulidu.