аһиска түрклириниң сүргүн қилинғанлиқи хатириләнди

түркийә авази радийоси хәвири: америкадики түрк җәмийәтлири аһиска түрклириниң буниңдин 79 йил муқәддәм сүргүн қилинғанлиқини хатириләш үчүн, мариләнд иштатиниң хагерставн шәһиригә җайлашқан америка-түркийә мәдәнийәт мәркизидә бир йәргә җәм болди.

дунйа аһиска түрклири иттипақиниң америкадики вәкили шуһрат тәмиров сөз қилип, тарихни йеңи әвладларға хатирилитиш керәкликини тәкитлиди.

у сөзидә, аһиска мираслириға игә чиққан түркийәгә миннәтдарлиқини билдүрди.

түркийәниң вашингтондики баш әлчиси һәсән мурат мәрҗан анадолуниң аһиска түрклириниңму вәтини икәнликини әскәртип, аһиска түрклиригә пуқралиқ бериш ишлириниң сүрәт билән давамлишиватқанлиқини қәйт қилди.

паалийәткә, түркийә баш әлчиси һәсән мураттин башқа, әзәрбәйҗан вә өзбекистанниң муавин баш әлчилири, америка-түркийә җәмийәтлириниң вәкиллири қатнашти.

аһиска түрклири сабиқ советләр иттипақи мәзгилидә сталин тәрипидин 1944-йили 14-нойабир сүргүн қилинған. 100 миңдин артуқ аһиска түркиниң көпинчиси йолда һәр хил кесәллик вә ачарчилиқ түпәйлидин җенидин айрилған. сүргүн қилинғанларниң әвладлири түркийәни өз ичигә алған башқа дөләтләргә көчкән.

бүгүнки күндә дунйаниң һәр қайси җайлирида 600 миңдин артуқ аһиска түрки йашимақта.