qirghizistan bilen tajikistan chégra ixtilapi söhbetliride ilgirilesh hasil qildi

türkiye awazi radiyosi xewiri: qirghizistan hökümiti metbuat ishliri ishxanisi bayanat élan qilip, chégra belgilesh ömeklirining 1- noyabirdin 8- noyabirghiche tajikistanning boston shehiride söhbet ötküzüp, chégraning yene 17.98 kilométirliq böliki toghrisida kélishim hasil qilip, munasiwetlik höjjetlerni imzalighanliqini uqturdi.

qirghizistan bilen tajikistanning texminen 970 kilométir kélidighan chégrasining 503 kilométirliq böliki toghrisida detalash dawam qiliwatqan bolup, chégra boyidiki yézilarda yashaydighan ahalining toqunushlirigha pat- patla ikki dölet qoralliq qisimlirimu ariliship kéliwatatti. 2022- yili 14- séntebir yüz bergen eng axirqi toqunushta ikki tereptin nechche on kishi hayatidin ayrildi.

sabiq sowét ittipaqi yimirilgendin kéyin peyda bolghan chégra majirasini hel qilish üchün qurulghan xizmet guruppisi, buningdin ilgiri chégraning talash- tartishliq qismining 145 kilométirliq böliki toghrisida kélishim hasil qilghanidi.