bash ministir üstel erdoghan we fidangha minnetdarliq bildürdi

türkiye awazi radiyosi xewiri: shimaliy qibris türk jumhuriyiti bash ministirliq mehkimisi bayanat élan qilip, bash ministir üstelning qazaqistanda chaqirilghan yighinda jumhur reis erdoghanning <shimaliy qibris türk jumhuriyitini büyük türk ailisining ayrilmas bir qismi> dep atighanliqini we buningdin kéyinki barliq yighinlarda bu pozitsiyening dawamlishishini ümid qilidighanliqlirini eskertip: «men türkiye jumhuriyiti jumhur reisi rejep tayyip erdoghanning bizni qollighanliqigha minnetdarliqimni bildürimen» dédi.

shimaliy qibris türk jumhuriyiti bash ministiri üstel bayanatida, bashliqlar yighinidin ilgiri ötküzülgen tashqi ishlar ministirliri yighinida, «qibris türk xelqige yürgüzülüwatqan adaletsiz we adimiyilikke yat yalghuz qaldurushlargha hemmimiz birlikte qarshi turushimiz kérek» dep, türk döletliri teshkilatigha eza döletlerni shimaliy qibris türk jumhuriyitini qollashqa chaqirghan türkiye jumhuriyiti tashqi ishlar ministiri xaqan fidanghimu rehmet éytidighanliqini bildürdi.

u türkiyening her supida shimaliy qibris türk jumhuriyitini qollap kéliwatqanliqini bildürdi we sözini dawamlashturup: «men ishinimenki, shimaliy qibris türk jumhuriyitini dunyadiki barliq sehnilerdin yiraqlashturushqa urunuwatqanlar, bu küchlük uchurlar sayisida hergizmu meqsitige yételmeydu we qibris türk xelqi dunya bilen qochaqlishish sepirini dadil qedemlerni tashlap dawamlashturidu» dégenlerni qeyt qildi.