түркмәнистан айалларниң бихәтәрлики җәһәттә дунйа бойичә әң йахши58 – дөләт болди

түркийә авази радйоси хәвири: оттура асийа дөләтлири ичидә түркмәнистандин қалса, айаллар әң бихәтәр иккинчи дөләт қазақистан болуп, тизимликтә 70-болди. униңдин қалсила таҗикистан 90-, өзбекистан 94 - вә қирғизистан 95 – болди.

башқа район вә дөләтләр ичидә айаллар әң бихәтәр дөләтләр: рәт бойичә данийә, шивейетсарийә вә шиветсийә тизимликтә 1- , 2-вә 3- болди. әң хәтәрлики афғанистан болуп, тизимликтә 177-орунда турди. йәмән 176 - вә оттура африқа җумһурийити 175 - болди.

айалларниң тинчлиқи вә бихәтәрлики көрсәткүчи «WPS» көрсәткүчини тәййарлашта, һәр қайси дөләтләр 13 өлчәм бойичә баһалап чиқилди, бу өлчәмләр төвәндики үч түргә айрилиду:

маарип , пул-муамилә мулазимитигә еришиш, ишқа орунлишиш, телефон ишлитиш, айалларниң парламенттики әзалиқ сани

адаләт, қануний айримчилиқниң болмаслиқи, сотқа кириш, аниларниң өлүмлири, йаман көрүш

бихәтәрлик, йолдашлириниң зораванлиқ нисбити, айалларниң җәмийәттә өзини бихәтәр һес қилиш туйғуси, айалларға қаритилған сийасий зораванлиқ, қораллиқ тоқунушқа йеқинлиқ.

доклат б д т вә дунйа банкасиниң санлиқ мәлуматлирини һәмдә «Gallup» галлуп қатарлиқ органларниң дунйави тәкшүрүш нәтиҗилирини нәзәрдә тутуп тәййарланди.