özbékistanda partlash yüz berdi
özbékistanning paytexti tashkenttiki bir shirket iskilatida yüz bergen partlashta bir adem qaza qildi, 163 adem yarilandi.
türkiye awazi radiyosi xewiri: özbékistan jiddiy ehwallargha taqabil turush ishliri ministirliqining bayanatigha qarighanda, paytext tashkentning sérgéli rayonidiki bir shirketning iskilatida namelum seweb bilen awwal partlash, andin ot apiti yüz bergen.
neq meydangha ot öchürüsh üchün ot öchürgüchiler ewetilgen.
özbékistan sehiye ministirliqining bildürüshiche, partlashta bir adem hayatidin ayrilghan, 163 adem yarilanghan, yarilanghanlardin 24 i doxturxanigha orunlashturulghan, bashqa yaridarlar bolsa neq meydanda dawalanghan.
özbékistan bash ministirliq mehkimisining bildürüshiche, özbékistan bash ministiri abdulla aripow neq meydangha yétip bérip, tekshürüshlerde bolghan.
bayanatta tekitlinishiche, özbékistan pirézidénti shewket mirziyoyéwning yolyoruqigha binaen, muawin bash ministir achilbay ramatowning riyasetchilikide partlashta ziyangha uchrighanlargha yardem bérish üchün hökümet komitéti qurulghan.
مۇناسىۋەتلىك خەۋەرلەر
ezerbeyjanda 5.2 bal yer tewridi
ezerbeyjan yer tewresh mulazimet merkizi yer tewresh heqqide bayanat élan qildi.
ezerbeyjan – erméniye tinchliq söhbiti bashlandi
ezerbeyjan bilen erméniye otturisidiki tinchliq söhbiti qazaqistanning almata shehiride bashlandi.