jeyhun bayramow bilen sérgéy lawrow téléfonliship, qarabagh mesilisini muzakire qildi
ezerbeyjan tashqi ishlar ministiri jeyhun bayramow bilen rusiye tashqi ishlar ministiri sérgéy lawrow qarabaghning nöwettiki weziyiti toghrisida sözleshti.
türkiye awazi radiyosi xewiri: ezerbeyjan tashqi ishlar ministirliqi bayramow bilen lawrowning téléfon söhbiti toghrisida bayanat élan qilip, ministirlarning ezerbeyjan - rusiye hemkarliqi, ezerbeyjan - erméniye munasiwitining normallishish musapisi we rayonning nöwettiki weziyitini muzakire qilghanliqini uqturdi.
bayanatta körsitilishiche, bayramow ezerbeyjan hökümitining qarabaghda yashaydighan ermen ahaliining qaytidin maslashturulushi toghrisida söhbetlishish wedisini mueyyenleshtürgen we ermen ahalilirining éhtiyajlirini qandurush üchün keng dairilik tedbirlerning izchil yolgha qoyulidighanliqini eskertken.
ezerbeyjan zéminidiki atalmish erméniye hakimiyitining tarqitiwétilishi, ermen küchlirini qoral tashlatquzup, ezerbeyjan zéminidin chiqiriwétish tirishchanliqining dawam qiliwatqanliqini tilgha alghan bayramow, bakuning ezerbeyjan bilen erméniye otturisidiki tinchliq musapisini ilgirilitish terepdari ikenlikini otturigha qoyghan.
ministirlar yene ikki döletke munasiwetlik bashqa mesililer toghrisidimu pikir almashturghan.
مۇناسىۋەتلىك خەۋەرلەر
ezerbeyjanda 5.2 bal yer tewridi
ezerbeyjan yer tewresh mulazimet merkizi yer tewresh heqqide bayanat élan qildi.
