qarabaghdiki partlashta qaza qilghanlar sani 68 ge yetti
ezerbeyjanning qarabagh rayonidiki xankendi - askeran tash yoli boyidiki bénzin iskilatida yüz bergen partlash keltürüp chiqarghan ot apitide qaza qilghanlar sani 68 ge yetti.
türkiye awazi radiyosi xewiri: erméniye resmiy xewer agéntliqi — ermen prés qarabaghdiki ermenlerning wekillirini menbe qilghan xewirige qarighanda, aldinqi küni yüz bergen ot apitide qaza qilghanlar sani 68 ke yetken, qanun doxturxanisi 21 jesetning kimlikining éniqlanghanliqini uqturghan.
ot apitining tesirige uchrighan bolushi mumkin dep qariliwatqan 105 kishining aqiwitining téxi aydinglashmighanliqi qeyt qilinghan.
doxturxanilarda balnistqa élinghan 290 yaridarning 168 i erméniyediki doxturxanilargha we köyüklerni dawalash merkezlirige yötkelgen.
25 - séntebir ezerbeyjanning qarabagh rayonidiki xankendi – askeran tash yoli boyidiki bir bénzin iskilatida partlash yüz bérip, éghir ot apiti keltürüp chiqarghanliqi, weqede nurghun ademning qaza qilghanliqi, 290 ademning yarilanghanliqi bildürülgenidi.
ezerbeyjan jiddiy ehwallar ministirliqi bénzin iskilatida yüz bergen otning ezerbeyjan ot öchürüsh etriti teripidin öchürülgenlikini élan qilghanidi.
مۇناسىۋەتلىك خەۋەرلەر
ezerbeyjanda 5.2 bal yer tewridi
ezerbeyjan yer tewresh mulazimet merkizi yer tewresh heqqide bayanat élan qildi.
