әзәрбәйҗан қарабағқа инсанпәрвәрлик йардәм буйумлири әвәтти
әзәрбәйҗан җиддий әһвалларға тақабил туруш ишлири министирлиқи қарабағдики әрмәнләрниң җиддий еһтийаҗлирини қамдаш үчүн әвәткән инсанпәрвәрлик йардәм буйумлири қачиланған йүк аптомобиллири районға қарап йолға чиқти.
түркийә авази радийоси хәвири: әзәрбәйҗан даирилириниң түнүгүн қарабағдики әрмәнләрниң вәкиллири билән өткүзгән тинчлиқ сөһбитидә, инсанпәрвәрлик йардәм мәсилисиму кәнтәртипкә кәлгәниди.
әрмәнләрниң вәкиллири әзәрбәйҗандин райондики әрмәнләрниң җиддий еһтийаҗлирини қандурушини тәләп қилғаниди.
бу тәләпкә асасән, әзәрбәйҗан җиддий әһвалларға тақабил туруш ишлири министирлиқи тәййарлиған инсанпәрвәрлик йардәм буйумлири қачиланған 2 йүк аптомобили билән 2 машина ағдам шәһиригә қарап йолға чиқти.
40 тонна йемәклик тазилиқ буйумлири вә нан қатарлиқлар бесилған йүк аптомобиллири ағдам шәһиридин өтүп, әрмән аһалиси туридиған ханкәнди шәһиригә йетип бариду, һәмдә инсанпәрвәрлик йардәм буйумлири райондики еһтийаҗлиқ кишиләргә тарқитип берилиду.
әзәрбәйҗан җиддий әһвалларға тақабил туруш ишлири министирлиқи қарабағ райони валийси мирәли февзийев қарабағдики әрмәнләрниң еһтийаҗлирини қандуруш үчүн инсанпәрвәрлик йардимләрни давамлаштуридиғанлиқлирини ейтти.
مۇناسىۋەتلىك خەۋەرلەر
әзәрбәйҗан баш министири түркийәдә зийарәттә болмақта
әзәрбәйҗан баш министири әли әсәдоф түркийәдә дөләт ишлири зийаритидә болмақта.
өзбекистан билән венгирийә әркин иқтисадий район қуриду
өзбекистанда венгирийә вә йавропа ширкәтлири үчүн алаһидә әркин иқтисадий район қурулиду.
