qarabaghdiki térrorluqqa qarshi heriket muweppeqiyetlik dawamlashmaqta

türkiye awazi radyosi xewiri: anar eywazow axbarat élan qilish yighinida ezerbeyjan armiyesining qarabaghdiki térrorluqqa qarshi heriket tedbirlirining muweppeqiyetlik dawam qiliwatqanliqini bildürdi.

polkownik eywazow, «tedbirler dairiside, erméniye qoralliq qisimlirining 60 tin artuq bazisi ezerbeyjan armiyesining kontrolluqigha ötti. 20 ge yéqin herbiy aptomobil, 40 tin artuq zembirek, 30 din artuq minamyot, 2 ayropilan soqar we 6 din artuq éléktronluq urush ponkiti pachaqlap tashlandi» dédi.

eywazow ermenlerge tewe bir qisim ijtimaiy taratqularda hembehirlengen ezerbeyjan armiyesining puqrawiy qurulushlargha hujum qilghanliqi toghrisida tetür teshwiqatlarning barliqini eskertip, buning meqsitining xelqara jamaet pikirini qaymuqturush ikenlikini éytti.

ezerbeyjan armiyesining peqet qanunluq halda herbiy nishanlargha zerbe bergenlikini bayan qilghan eywazow, bir herbiy nishangha yéqin jayda puqralar bayqalghanliqi sewebidin zerbe bermigenlikige dair körünüshlernimu hembehirlidi.  

44 künlük 2-qarabagh urushidin (2020) kéyin, ezerbeyjanning qarabagh rayonida atalmish erméniye ​​hakimiyitining tashlighan qedemliri jiddiylikning küchiyishini keltürüp chiqarghan idi.

axirida, ezerbeyjan dölet orginigha tewe bir yük aptomobili xojawent bilen exmetbeyli-fuzuli-shusha tashyolida minagha tégip partlishi sewebidin 2 kishi qaza qilghan idi.

neq meydangha yétip barghan saqchi aptomobilimu yene bashqa bir minagha  suqulup 4 saqchi shéhit bolghan idi.

buninggha qarita ezerbeyjan dölet mudapie ministirliqi qarabaghda asasiy qanun qurulmisini qaytidin berpa qilish üchün yerlik térrorluqqa qarshi turush tedbirlirini bashlighanliqini élan qilghan idi.