әзәрбәйҗанниң бейрут әлчиханиси һуҗумға учриди
әзәрбәйҗанниң ливан пайтәхти бейруттики әлчихана бинаси әрменийәлик бир гуруппиниң һуҗумиға учриди.
түркийә авази радийоси хәвири: әзәрбәйҗан ташқи ишлар министирлиқи тәрипидин елан қилинған байанатта, әрменийәлик тәхминән 50 кишиниң әзәрбәйҗанниң ливан пайтәхти бейруттики әлчихана бинаси әтрапидики ришаткиларни бузуп ташлап, әлчихана бинасиға бойақ вә партлатқуч дориларни атқанлиқи, бәхткә йариша һуҗум нәтиҗисидә әлчихана хадимлириниң йариланмиғанлиқи әскәртилип мундақ дейилди: «ливанниң дипломатик вакаләтханиларни қоғдашқа мәсул оргиниға хәвәр йәткүзүлгәндин кейин, қанун иҗрачилири нәқ мәйданға йетип кәлди, әмма бу вақитта иғвагәрләр бу райондин аллиқачан қечип кәткәниди.»
әзәрбәйҗан әлчиханисиға һуҗум қилған җинайәтчиләрниң ениқлап чиқилиши вә тутулуши үчүн, ливан ташқи ишлар министирлиқиға нота тапшурулғанлиқи билдүрүлди.
әлчихана бинасида бихәтәрлик тәдбирлириниң күчәйтилгәнлики вә һуҗумни тәкшүрүш ишлириниң давамлишиватқанлиқи әскәртилди.
مۇناسىۋەتلىك خەۋەرلەر
түркийә қирим татарлири сүргини вә чәркәз сүргүнини хатирләп байанат елан қилди
түркийә қирим татарлири вә кавказдики қериндаш хәлқләрниң азабини ортақлишидиғанлиқини билдүрди.