тәңри теғида йоқап кәткән төт нәпәр тағқа йамишиш маһирини издәш хизмәтлири ахирилашти

түркийә авази радйоси хәвири: қирғизистан җиддий һаләтләргә тақабил туруш министирлиқи тәрипидин елан қилинған йазма байанатта, тәңри теғида 19- ийулда тәхминән 6900 метир егизликтә алақә үзүлүп қалған, үчи русийәлик вә бирси литванийәлик төт нәпәр тағқа йамишиш маһирини издәп тепиш хизмәтлириниң ахирлашқанлиқи уқтурулди.

байанатта 4100 метир егизликтә нөлдин төвән 20-30 градуслуқ тимператора астида издәш хизмәтлирини елип барған  қутқузуш әтритиниңму һайати үчүн интайин хәтәрлик коорденатларға йеқинлишишниң асасән дегүдәк мумкин әмәслики билдүрүлди.

байанатта, әтрәтниң начар һаварайи шараити вә қар көчүш хәвипини көздә тутуп қайтиши қарар қилинғанлиқи вә тағқа йамишиш маһирлирини қутқузуш үчүн барлиқ тиришчанлиқларниң көрситилгәнлики тәкитләнди.