rusiye shimaliy qibris türk jumhuriyitide konsulxana mulazimiti bashlimaqchi
rusiye shimaliy qibris türk jumhuriyitining paytexti lefkoshada rusiye puqralirini konsulxana mulazimiti bilen teminleshke bashlaydighanliqini élan qildi.
türkiye awazi radiyosi xewiri: rusiye xewer agéntliqi «TASS» ning xewirige asaslanghanda, rusiyening jenuby qibris rum terep hakiyitide turushluq elchixanisining emeldarliridin birsi: «pat yéqinda lefkosha shehirining shimalida konsulxana mulazimiti bilen teminleshni bashlaymiz. bu xizmet tertiplik élip bérilidu» dep bayanat élan qilghan.
mezkur emeldar sözide, rusiyening shimaliy qibris türk jumhuriyitide turushluq rusiye puqralirigha qarita mejburiyitini ada qilish üchün muhim qedem tashlaydighanliqlirini bildürüp, shimaliy qibris türk jumhuriyitide amérika, engliye, gérmaniye, italiye we firansiyening puqralirini uzundin béri konsulxana mulazimiti bilen teminlewatqanliqini eskertken.
shimaliy qibris türk jumhuriyitide texminen 50 ming rusiye puqrasining yashaydighanliqi melum.
مۇناسىۋەتلىك خەۋەرلەر
ezerbeyjanda 5.2 bal yer tewridi
ezerbeyjan yer tewresh mulazimet merkizi yer tewresh heqqide bayanat élan qildi.
