türkmenistan: hazar déngizidin halqighan tebiiy gaz turuba yoli layihesige tosalghu yoq
türkmenistan hazar déngizidin halqighan tebiiy gaz turuba yoli qurulushigha tosqunluq qilidighan héchqandaq siyasiy, iqtisadiy yaki maliye amillirining yoqluqini élan qildi.
türkiye awazi radiyosi xewiri: türkmenistan tashqi ishlar ministirliqi intérnét torida türkmenistan tebiiy gazi bilen gherbni teminlesh layihesining emelge éshish mumkinchilikige qarita xelqara metbuatlarda orun alghan éniqlimilar heqqide bayanat élan qildi.
bayanatta, türkmenistanning hazar déngizidin halqighan turuba yoli qurulushini emelge ashurush nishani tekitlinip, «bu nishan üchün türkmenistan, ezerbeyjan we yawropa ittipaqi otturisida munasiwetlik énérgiye organlirining bashliqliridin terkib tapqan üch tereplik birleshme méxanizm quruldi» déyildi.
yawropa ittipaqining hazar déngizidin halqighan tebiiy gaz turuba yoli layihesini «istiqbali parlaq layihe» qatarigha kirgüzüshining «tebiiy» ikenliki bildürülgen bayanatta yene, mezkur turuba qurulushining emeliy shekilde ilgirilewatqanliqi uqturuldi.
türkmenistan tashqi ishlar ministirliqining bayanatida yene mundaq déyildi:
«türkmenistan tebiiy gaz turuba yoli qurulushigha tosqunluq qilidighan héchqandaq siyasiy, iqtisadiy we maliye amilining yoqluqigha ishinidu. hazar déngizidin halqighan turuba yoli iqtisadiy jehettin muwapiq, yawro-asiyaning énérgiye bixeterlikige kapaletlik qilishqa körünerlik töhpe qoshalaydu hemde yawropa istémalchilirining xam eshya menbesige uzun muddet üzlüksiz érishishini emelge ashuridu. ötidighan terepke roshen paydisi we menpeeti körünerlik, emeliy layihe hésablinidu»
مۇناسىۋەتلىك خەۋەرلەر
ezerbeyjan – erméniye tinchliq söhbiti bashlandi
ezerbeyjan bilen erméniye otturisidiki tinchliq söhbiti qazaqistanning almata shehiride bashlandi.
ezerbeyjan bash ministiri türkiyede ziyarette bolmaqta
ezerbeyjan bash ministiri eli esedof türkiyede dölet ishliri ziyaritide bolmaqta.
özbékistan bilen wéngiriye erkin iqtisadiy rayon quridu
özbékistanda wéngiriye we yawropa shirketliri üchün alahide erkin iqtisadiy rayon qurulidu.