qirghizistanda siyasiy özgirish qozghashqa teyyarliniwatqan bir qisim kishiler qolgha élindi
qirghizistanda hökümetke qarshi siyasiy özgirish qozghashqa teyyarliniwatqan bir qisim kishiler qolgha élindi.
türkiye awazi radiyosi xewiri: qirghizistan dölet xewpsizliki komitéti teripidin élan qilinghan bayanatta bildürülüshiche, qirghizistanda memliket boyiche keng kölemlik naraziliq namayishi ötküzüsh, zor kölemlik isyan kötürüsh arqiliq zorluq bilen hakimiyetni tartiwélish üchün mexpi teyyarliq qiliwatqan bir türküm shexslerning qanunsiz paaliyetliri éniqlanghan.
sot mehkimisining qarari boyiche qolgha chüshürülgen melumatlar we yighiwélinghan ün – sin matériyallirigha asasen bir qatar tekshürüshler bashlanghan.
bayanatta tekitlinishiche, tekshürüsh dawamida 30 din artuq kishi qolgha élinghan. siyasiy özgirish qozghash teshebbusining bashlamchisi eldik kenesh (xelq mejlisi) partiyesing rehbiri roza nurmatowa bilen birlikte töt paaliyetchi qolgha élinghan.
tekshürüshler dawamida, mezkur jinayet teshkilatning uzundin buyan adem toplash üchün paaliyet élip barghanliqi, mezkur siyasiy partiye rehbirining hakimiyetni zorluq bilen tartiwélish pilani tüzüp, dawamliq mexpiy yighilishlarni teshkilligenliki, bu teshkiliy guruppa ezalirining döletning oxshimighan jayliridin kelgen 100 din artuq kishidin teshkil tapidighanliqi éniqlanghan.
bayanatta mundaq déyilgen: «mezkur jinayet teshkilati chet elning iqtisadiy yardimige érishish, her qandaq seweb bilen jemiyette qalaymiqanchiliq otturigha chiqqan haman siyasiy özgirish qozghash herikitini bashlashni pilanlighan.»
bayanatta qeyt qilinishiche, siyasiy özgirish qozghashni pilanlighan bu «siyasiy süyiqestchiler» keng dairilik tekshürülmekte iken.
