mirziyayéw bilen ersin tatar erdoghanni tebriklidi

türkiye awazi radiyosi xewiri: özbékistan pirézidéntliq ishxanisi bayanat élan qilip, pirézidént mirziyayéwning jumhur reis rejep tayyip erdoghangha téléfon qilip, saylamning muweppeqiyetlik ötküzülgenlikini tebrikligenlikini bildürdi.

bayanatta, saylam netijilirining qérindash türkiye xelqining erdoghan rehberlikide élip bériliwatqan siyasiy we iqtisadiy islahatni keng qollighanliqining ipadisi ikenliki eskertildi.

bayanatta, téléfon söhbitide, ikki rehberning özbéksitan bilen türkiye otturisidiki keng dairlik istratégiyelik shériklik munasiwetliri we köp yönilishlik hemkarliqlarni yenimu tereqqiy qildurushqa munasiwetlik mesililerni muzakire qilghanliqi, shundaqla yuqiri derijilik istratégiyelik hemkarliq kéngishining kéler qétimliq yighinigha teyyarliq qilishqa munasiwetlik mesililernimu közdin kechürgenliki qeyt qilindi.

shimaliy qibris türk jumhuriyitining jumhur reisi ersin tatarmu saylamda köp awazgha érishken erdoghan we jumhur ittipaqini tebriklidi.

ersin tatar jumhur reis rejep tayyip erdoghangha ewetken télégrammisida, démokratik muhitta nahayiti piship yétilgen we qatnishish nisbiti intayin yuqiri bolghan saylam netijisige asasen türkiye büyük millet mejliside köp sanliqqa érishken jumhur ittipaqining, xelqning qollishigha érishkenlikini eskertti.

ersin tatar télégrammisida yene, qibris türk xelqi bilen ana weten türkiye jumhuriyitining tewrenmes ittipaqliqini tekitlep, ikki döletning her sahediki hemkarliqliri we ittipaqliqni ilgiri sürüshni xalaydighanliqini bildürüp, démokratiye bayrimigha oxshash ötküzülgen hel qilghuch saylamda péship yétilgen xaraktérini namayan qilghan türkiye xelqini tebriklidi.