shimaliy qibris türk jumhuriyitining marash rayonini ziyaret qilghuchilar sani bir milyongha yetti

türkiye awazi radiyosi xewiri: shimaliy qibris türk jumhuriyiti jumhur reisi ersin tatar marashning échiwétilgen rayonini ziyaret qilghuchilar sanining bir milyongha yetkenlikini xatirilesh munasiwiti bilen ötküzülgen murasimda söz qilip, rayonning échiwétilgendin buyan kishilerning diqqet merkizige aylanghanliqini, her küni otturiche 2000 sayahetchi ziyaret qilidighan marashning ghazi magusaning sayahetchiliki we iqtisadigha körünerlik töhpe qoshuwatqanliqini bildürdi.

jumhur reis rejep tayyip erdoghanning marashni échiwétish mesilisini küchlük qollighanliqini tilgha alghan tatar, erdoghan we türkiye xelqige rehmet éytti.

marashning ghazi magusa nahiyesige nisbeten intayin muhimliqini tekitligen tatar: «biz buningdin kéyinmu marashtiki yéngi rayonlarning échilishini arzu qilimiz. marashta ijtimaiy turalghu türini yolgha qoyush pilani bar. shunga, bu rayongha bolghan qiziqish dawamliq kücheymekte. biz bu rayonning döletning chaqnighan yultuzigha aylinidighanliqigha toluq ishinimiz» dégenlerni qeyt qildi.