илһам әлийев боснийә-гертсеговинани зийарәт қилди

түркийә авази радийоси хәвири: әзәрбәйҗан пирезиденти илһам әлийевниң тунҗи қетимлиқ боснийә-гертсеговина зийаритидә, пайтәхт сарайевуда боснийә-гертсеговина пирезидентлиқ кеңишиниң башлиқи вә серб әзаси зелика җвижановиҗ , кеңәшниң хирват әзаси зелжко комсиҗ вә бошнақ әзаси денис беҗирәвиҗ қатарлиқ рәһбәрләр тәрипидин қизғин күтүвелинди.

пирезидент илһам әлийев һәйәтләр ара учршиштин кейин сөз қилип, боснийә-гертсеговинаниң қарабағ урушида өзлирини қоллиған дөләтләрниң бири болғанлиқини билдүрди.

у мундақ деди:

«бу достлуқ вә қериндашлиқ сәвәбидин биз силәрдин миннәтдар. бүгүн мунасивәтлиримиздә йеңи дәвр башлиниду. иқтисадий саһәдики мунасивәтлиримизни күчәйтимиз. истратегийәлик саһәдиму боснийә-гертсеговина билән әзәрбәйҗан оттурисида һәмкарлиқлар болиду.»

боснийә-гертсеговина пирезидентлиқ кеңишиниң башлиқи зелика җвижановиҗ әзәрбәйҗан билән һәмкарлиқларда йеңи дәврни башлиғанлиқлирини билдүрүп, әзәрбәйҗанға боснийә-гертсеговинада кәлкүн апити  йүз бәргән қийинчилиқ күнләрдә йардәм қолини сунғанлиқи үчүн тәшәккүр ейтти.

у вухән вируси  (Kovid-19 ) мәзгилидә әзәрбәйҗанниң чоң йардимигә еришкәнликлирини әскәртип, әзәрбәйҗанниң боснийә-гертсеговинада нурғун лайиһәләрни әмәлийләштүргәнлилкини тәкитлиди.

у бүгүн (13-апрел) имзаланған әзәрбәйҗан -боснийә-гертсеговина истратегийәлик шериклик хитабнамәсиниң өзара сийасий дийалог билән иқтисадий һәмкарлиқ нуқтилирини йорутуп беридиғанлиқини қәйт қилди.

у әзәрбәйҗанниң боснийә-гертсеговинада әлчихана ачқанлиқини, боснийә-гертсеговинаниңму бакуда әлчихана ечишниң алдинқи қатардики муһим ишларниң бири икәнликини вә мунасивәтлик хизмәтләрниң башлинидиғанлиқини билдүрди.