qazaqistanda ismailow qayta bash ministir boldi
qazaqistanda elixan ismailow hökümet bashliqliqigha qayta teyinlendi.
türkiye awazi radiyosi xewiri: qazaqistan pirézidéntliq mehkimisining bildürüshiche, qazaqistan pirézidénti qasim jömert toqayéw amanat partiyesining rehbiri yérlan koshanowni qobul qilghan.
koshanow uchrishishta, amanat partiyesining telipige binaen elixan ismailowni bash ministirliqqa namzat körsitishni qarar qilghanliqlirini bildürgen.
uchrishishtin kéyin, pirézidént qasim jömert toqayéw parlamént binasida bash ministir namzati heqqide kéngishish üchün parlaménttiki alte siyasiy partiyening mesulliri bilen körüshken.
qasim jömert toqayéw alte siyasiy partiyening mesulliri bilen körüshkendin kéyin, elixan ismailowning bash ministir namzatliqini awazgha qoyghan.
awazgha qoyushqa qatnashqan 97 parlamént ezasidin 82 si elixan ismailowni qollap, yettisi ret qilip bélet tashlighan, sekkiz parlamént ezasi awaz bérish hoquqidin waz kechken.
shuning bilen, elixan ismailow yene bash ministir bolghan.
qazaqistan pirézidéntliq mehkimisi teripidin élan qilighan yene bir bayanatta bildürülüshiche, pirézidént qasim jömert toqayéw parlaménttiki awazgha qoyush tamamlanghandin kéyin, elixan ismailowni bash ministirliqqa teyinlesh toghrisidiki qararnamige imza qoyghan.
qazaqistanda 3-ayning 19-küni ötküzülgen parlamént saylimidin kéyin, qazaqistan hökümiti tünügün (29-mart) asasiy qanun boyiche wezipisidin istépa bergenidi.
مۇناسىۋەتلىك خەۋەرلەر
ezerbeyjan – erméniye tinchliq söhbiti bashlandi
ezerbeyjan bilen erméniye otturisidiki tinchliq söhbiti qazaqistanning almata shehiride bashlandi.
ezerbeyjan bash ministiri türkiyede ziyarette bolmaqta
ezerbeyjan bash ministiri eli esedof türkiyede dölet ishliri ziyaritide bolmaqta.
özbékistan bilen wéngiriye erkin iqtisadiy rayon quridu
özbékistanda wéngiriye we yawropa shirketliri üchün alahide erkin iqtisadiy rayon qurulidu.
