maya sandu gagawuz aptonom rayonini ziyaret qildi
moldowa pirézidénti maya sandu dölitige qarashliq gagawuz aptonom rayonini ziyaret qilip, köchet tikti.
türkiye awazi radiyosi xewiri: moldowa pirézidéntliqining bayanatigha asaslanghanda, sandu gagawuz aptonom rayonining awdarma yézisini ziyaret qilghan.
moldowa pirézidénti maya sandu pirézidéntliq xadimliri, komrat dölet uniwérsitéti oqughuchiliri we yéza ahaliliri bilen «yer waqti» paaliyiti dairiside köchet tikken we kélimat özgirishning dunyawi mesile ikenlikini éytqan.
sandu mundaq dégen: «kelgüsi yillarda dölet miqyasida köchet tékish bizge nisbeten aldinqi qatardiki muhim ishtur, her birimiz addiy, emma muhim heriketler arqiliq tebiiy muhitni yaxshilashqa töhpe qoshalaymiz»
paaliyet dairiside 5 mingdin artuq köchet tikilgenliki bildürüldi.
gagawuz aptonom rayonining bashliqi irina wlax sandoning uninggha rayonni ziyaret qilidighanliqigha dair xewer bermigenlikini we buni xewerlerdin bilgenlikini uqturdi.
