ezerbeyjan türkiyediki apet rayonlirida 100 milyon dollar qimmitide turalghu binalarni salidu
ezerbeyjan tashqi ishlar ministiri jeyxun bayramow türkiyediki yer tewresh apetlirige uchrighan rayonlarda, 100 milyon dollar qimmitide turalghu binaliri, ammiwi jamaet binaliri we maarip apparatliri binalirini salidighanliqlirini bildürdi.
türkiye awazi radiyosi xewiri: ezerbeyjan tashqi ishlar ministirliqining bayanatida körsitilishiche, bayramow yawropa ittipaqi komitéti we yawropa ittipaqi nöwetchi reis döliti shiwétsiyening, 6-féwral (2023) türkiye bilen süriyede yüz bergen yer tewresh apetlirining tesirige uchrighanlar üchün bélgiye paytexti biryussélda ötküzgen xelqara ianichiler konféransigha qatnashqan.
u konféransta söz qilip, yer tewresh apitidin kéyin, türkiyege izdesh-qutquzush xadimliri, sehiye xadimliri we pidaiylardin teshkillengen 940 kishilik etretni ewetkenliklirini qeyt qildi.
u türkiyege 5 ming 300 tonna insanperwerlik yardimi ewetkenliklirini we munasiwetlik organlarning banka nomurigha 45 milyon dollar ewetilgenlikini eskertti.
u sözini dawamlashturup, ezerbeyjanning buningdin kéyinmu qérindash dölet türkiyeni dawamliq qollaydighanliqini, apettin kéyinki qaytidin qurush ishlirigha maddiy we meniwi jehettin yardem qilidighanliqini bildürüp: «ezerbeyjan apet rayonlirida 100 milyon dollar qimmitide turalghu binaliri, ammiwi jamaet binaliri we maarip apparatliri binalirini salidu »dédi.
مۇناسىۋەتلىك خەۋەرلەر
ezerbeyjan – erméniye tinchliq söhbiti bashlandi
ezerbeyjan bilen erméniye otturisidiki tinchliq söhbiti qazaqistanning almata shehiride bashlandi.
ezerbeyjan bash ministiri türkiyede ziyarette bolmaqta
ezerbeyjan bash ministiri eli esedof türkiyede dölet ishliri ziyaritide bolmaqta.
özbékistan bilen wéngiriye erkin iqtisadiy rayon quridu
özbékistanda wéngiriye we yawropa shirketliri üchün alahide erkin iqtisadiy rayon qurulidu.