tatar: qibris türkliri musteqilliqtin esla waz kechmeydu
shimaliy qibris türk jumhuriyiti jumhur reisi ersin tatar qibris türkliri bilen rumlarni birleshtürüp, bir dölette yashash imkaniyitige ige qilidighan tebiiy méxanizimning yoqluqini éytti.
türkiye awazi radiyosi xewiri: shimaliy qibris türk jumhuriyiti jumhur reisi ersin tatar jumhur reislik mehkimisidiki ishxanisida élan qilghan bayanatida, musteqilliqining 40 – yilliqini tebrileshke teyyarliniwatqan shimaliy qibris türk jumhuriyitining igilik hoquqi we musteqilliqidin esla waz kechmeydighanliqini qeyt qildi.
tatar shimaliy qibrisning özige xas heqiqiti barliqini, pütkül dunyaning bu heqiqetni qobul qilishi kéreklikini tekitlidi.
shimaliy qibris türk jumhuriyiti jumhur reisi ersin tatar qibrista saqliniwatqan mesililerning barliqini, shunga muresselishishke éhtiyaj barliqini éytti.
u muresselishish we hemkarliqning birdinbir yolining igilik hoquqluq ikki döletlik tüzüm ikenlikini, saqliniwatqan mesililerni hel qilishning birdinbir charisining qibris türklirining dölitining shimaliy qibris türk jumhuriyiti ikenlikidin ibaret roshen heqiqetni qobul qilish ikenlikini qeyt qildi.
tatar birleshken döletler teshkilatini öz ichige alghan xelqara jemiyetning bir qismining shimaliy qibris bilen jenubiy qibrisni birleshtürüsh chaqiriqlirining réalliqtin tolimu yiraq ikenlikini tekitlep mundaq dédi: «biz bilen rumlarni birleshtürüp, bir dölette yashash imkaniyitige ige qilidighan tebiiy méxanizim yoq. chünki qibrisning özige xas heqiqetliri bar. uda 60 yildin buyan hemme özining meydanini békitti. men rumche bilmeymen, rumlarmu türkche bilmeydu. men rumlarni tonumaymen, rumlarmu méni tonumaydu. soda dunyasi her ikki terepte pütünley bir – birige oxshimaydu. bu jehette, ikki milletlik fédératysiyelik tüzümdin söz échish bilen melisini hel qilghili bolmaydu.»
ersin tatar hemkarliq we muressechilik emelge ashqandila andin shimaliy qibris türk jumhuriyitige türkiyedin kelgen sudin jenubiy qibris bilen ortaq behrimen bolush imkaniyitining barliqini tekitlidi.
jumhur reis ersin tatar shimaliy qibris türk jumhuriyitining pütkül xelqara jemiyet teripidin étirap qilinishini qolgha keltürüsh yolida dawamliq tirishchanliq körsitidighanliqlirinimu sözlirige ilawe qildi.
مۇناسىۋەتلىك خەۋەرلەر
ezerbeyjanda 5.2 bal yer tewridi
ezerbeyjan yer tewresh mulazimet merkizi yer tewresh heqqide bayanat élan qildi.
ezerbeyjan – erméniye tinchliq söhbiti bashlandi
ezerbeyjan bilen erméniye otturisidiki tinchliq söhbiti qazaqistanning almata shehiride bashlandi.