fuat oktay xelqarani shimaliy qibris türk jumhuriyitini étirap qilishqa chaqirdi

türkiye awazi radyosi xewiri: muawin jumhur reis fuat oktay paytext enqerede shimaliy qibris türk jumhuriyiti bash ministiri ünal üstel bilen jumhur reislik mehkimiside axbarat élan qilish yighini ötküzdi.

fuat oktay türkiyening hem iqtisadiy tereqqiyatta, hem xelqara sehnidiki adalet kürishide her daim qibris türklirini qollighanliqini eskertip, qibris türkliri bilen ezeli we ebediy rishtiliri bolghanliqi üchün, qayghu we xushalliqtimu bir bolup kelgenlikini éytti.

oktay ana weten türkiye bolush süpiti bilen qibris türklirini dawamliq qollaydighanliqini tekitlep: «biz xelqara sehnidiki adalet kürishide qibris türkliri we shimaliy qibris türk jumhuriyitining yénidimiz. tarix qibris türklirining heq – hoquq, menpeetlirini körmeske salghan her qandaq usulning muweppeqiyet qazinish imkaniyiti yoqluqini ispatlidi. qibris türk xelqi 1963 – yilida rum terep öz qoli bilen yoq qilghan qibris jumhuriyitining barawer qurghuchisi we barawer shérikidur. dölitimiz bu heqiqetni asas qilghan halda, aralda etrapliq siyaset yürgüzmekte hemde hel qilish charisi üchün ikki terepning igilik hoquqi barawerliki we barawer xelqara orni asasidiki tesewwurni toluq qollap kelmekte. shimaliy qibris türk jumhuriyiti üchün <hazirla we derhal!> déyish arqiliq bu yerdin yene bir qétim bu heqiqetlerni körüshke, barliq tereplerni qibris türklirining heq - hoquqini qobul qilishqa we shimaliy qibris türk jumhuriyitini étirap qilishqa chaqirimiz» dédi.