җәйхун байрамов билән сергей лавров лачиндики намайишларни музакириләшти

түркийә авази радийоси хәвири: русийә ташқи ишлар министири сергей лавров билән әзәрбәйҗан ташқи ишлар министири җәйхун байрамов әзәрбәйҗанниң муһит асраш аммиви тәшкилат әзалири вә паалийәтчилириниң лачин каридорида кан ечишқа қарши елип барған намайишлирини музакирәләшти.

байрамов русийә қисимлири вақитлиқ орунлаштурулған әзәрбәйҗан земинида, канларниң қанунсиз ечилишиға қарши намайиш қилишниң, әзәрбәйҗан пуқралириниң қанунлуқ һәқ-һоқуқи икәнликини тәкитләп, намайишчиларниң һәққаний тәләплириниң чоқум орундилиши керәкликини билдүрди.

байрамов: «лачин каридори әзәрбәйҗан тәрипидин тақап қойулди, әзәрбәйҗанда йашайдиған әрмәнләр қоршавда қалди вә инсанпәрвәрлик киризиси пәйда қилди» дегән сөз- чөчәкләрниң пүтүнләй асассиз икәнликини әскәртип: «лачин йолидин һәр күни русийә қисимлириниң, хәлқара қизил кирест җәмийитигә тәвә онлиған аптомобилллар һәмдә әрменийәгә тәвә қутқузуш аптомобиллириниң өтүватқанлиқи, әрменийәниң тарқитиватқан йалғанлирини йоққа чиқарди» деди.

байрамов өзлирини әзәрбәйҗанда йашайдиған әрмәнләрниң «вәкили» дәп тонуштуруватқан кишиләрниң, хәлқниң йолдин пайдилинишиға тосқунлуқ қилип, «сүний қоршав» вә «инсанпәрвәрлик киризиси»  тәсри пәйда қилишини қәтий қобул қилиишқа болмайдиғанлиқини билдүрди.