қирғизистан: һәрикәт пилани б д т да қобул қилинди
қирғизистан бирләшкән дөләтләр тәшкилати омумий кеңишиниң 77 – нөвәтлик -йиғинида «тағлиқ районларни тәрәққий қилдурушниң 5 йиллиқ һәрикәт пилани» ниң қобул қилинғанлиқини билдүрди.
түркийә авази радийоси хәвири: қирғизистан ташқи ишлар министирлиқи тәрипидин елан қилинған йазма байанатта билдүрүлүшичә, бирләшкән дөләтләр тәшкилати омумий кеңишиниң 77 – нөвәтлик йиғинида, қирғизистанниң тәшәббуси билән оттуриға қойулған «тағлиқ районларни тәрәққий қилдурушниң 5 йиллиқ һәрикәт пилани» қобул қилинған болуп, бу қарар, қирғизистанни өз ичигә алған тағлиқ дөләтләрниң иқтисадини гүлләндүрүшкә йардәм бериш вә мәбләғ җәлп қилиш үчүн кәң даирилик пурсәт йаритип беридикән.
қирғизистан пирезиденти садир җаппаров бирләшкән дөләтләр тәшкилати омумий кеңишиниң сентәбир ейида чақирилған 77 – нөвәтлик йиғинида, 2023-йилдин 2027-йилғичә болған арилиқта тағлиқ районларни тәрәққий қилдурушниң 5 йиллиқ һәрикәт пиланиға мунасивәтлик тәшәббусини елан қилғаниди.
مۇناسىۋەتلىك خەۋەرلەر
әзәрбәйҗан баш министири түркийәдә зийарәттә болмақта
әзәрбәйҗан баш министири әли әсәдоф түркийәдә дөләт ишлири зийаритидә болмақта.
өзбекистан билән венгирийә әркин иқтисадий район қуриду
өзбекистанда венгирийә вә йавропа ширкәтлири үчүн алаһидә әркин иқтисадий район қурулиду.
