erdoghan sadir japparowning tughulghan künini tebriklidi

türkiye awazi radiyosi xewiri: qirghizistan pirézidéntliq mehkimisining bayanatida, jumhur reis erdoghanning tebriknamisida qirghizistan bilen bolghan ortaq til, din, tarix, medeniyet we qimmet qarashlarni asas qilghan köp tereplimilik munasiwetlerning yéngi istratégiyelik shérik sewiyesige yetküzlgenlikidin xushal bolghanliqini bildürgenliki hembehirlendi.

bayanatta, jumhur reis erdoghanning türkiyening dost we qérindash qirghizistan bilen türk döletliri teshkilati ramkisida köp tereplik, özara we rayon xaraktérlik munasiwetlerni tereqqiy qildurush, bu arqiliq özara menpeet yetküzidighan hemkarliqning barliq sahelerde bixeterlik, muqimliq we bayashatliqqa töhpe qoshushi üchün birlikte tirishchanliq körsitlidighanliqini éytqanliqi tekitlendi.

bayanatta yene, erdoghanning uchurida, «qérindash xelqlirimiz otturisidiki rishtilerning mustehkemlinishii we ikki dölet munasiwetlirining künséri chongqurlishishi netijiside türkiye bilen qirghizistan otturisidiki dostluqning esirler boyi dawam qilishini tileymen» déyilgenliki bildürüldi.