түрк дөләтлири тәшкилати башлиқлар йиғининиң «сәмәрқәнт хитабнамиси» елан қилинди

түркийә авази радийоси хәвири: түркийә, әзәрбәйҗан, қазақистан, қирғизистан вә өзбекистан қатарлиқ әза дөләтләрниң пирезидентлири имзалиған сәмәрқәнт хитабнамисидә, рәһбәрләрниң һәмкарлиқ вә иттипақлиқни чоңқурлаштуруш вә кеңәйтишкә вәдә бәргәнлики тәкитләнди.

хитабнамидә,  рәһбәрләрниң, түрк мәдәнийитиниң тәрәққийат мусаписидә ойниған муһим роли, илмий, мәниви йаки диний затлар вә маарипчиларға қучақ ачқан болуши, түрк дунйасиниң сийасий, сода, илим-пән вә мәдәнийәт мәркизи сүпитидә хизмәт қилған болуши қатарлиқларни нәзәрдә тутуп, сәмәрқәнтни «түрк дунйаси мәдәнийәт пайтәхти» қилип бекитилгәнликлири қәйт қилинип, қибрис түрклирини түрк дунйасиниң бир парчиси, дәп қарайдиғанлиқлири вә шималий қибрис түрк җумһурийитиниң түрк дөләтлири тәшкилатиниң көзәткүчи әзалиқ салаһийитини қизғин қарши алидиғанлиқлири тәкиләнди.

түрк хәлқлири билән болған ортақ тарих, тил, мәдәнийәт, әнәнә вә қиммәт қарашлардин пайдилинип, асийа қитәси билән сода вә иқтисадий һәмкарлиқ саһәси мунасивәтлирини кеңәйтиш вә чоңқурлаштурушни мәқсәт қилған түркийәниң, «қайтидин асийа» тәшәббусиниң қоллап - қуввәтләнлики оттуриға қойулған байанатта, тинчлиқ вә муқимлиқниң капаләткә игә қилиниши, кәң хәлқаралиқ һәмкарлиқ вә инсанийәтниң сиҗил тәрәққийатини қоллашни нишан қилған ортақ бихәтәрлик вә гүллиниш үчүн, сәмәрқәнт һәмкарлиқ пиланиниң қизғин қарши елинғанлиқи тәкитләнди.

өзбекистан пирезиденти шәвкәт мирзийайевниң 2023 – йилини «түрк мәдәнийитиниң гүллиниш йили» дәп елан қилиш тәклипиниң мәмнунлуқ билән қарши елинғанлиқиға ишарәт қилинған байанатта, түрк дөләтлири тәшкилатиниң 10 – нөвәтлик башлиқлар йиғининиң 2023 – йили қазақистанда өткүзүлидиғанлиқи, йәнә бир қетимлиқ йиғинғичә түрк дөләтлири тәшкилатиниң нөвәтчи рәислик вәзиписиниң өзбекистанға өткәнлики қәйт қилинди.