тоқайев: дөләтниң мустәқиллиқи вә мәнпәәтлирини қаттиқ күч билән қоғдашқа тәййармиз

түркийә авази радийоси хәвири: қазақистан пирезиденти җөмәрт тоқайев һазар деңизи қәрғақлириға җайлашқан мангистав иштатиниң мәмурий мәркизи болған ақтав шәһиридә хизмәтләрни тәкшүрүп, тәтқиқ қилди.

у райондики амма билән көрүшкәндә, әң ахирқи қетим 2018-йили ақтавда ечилған рәһбәрләр йиғинида, һазар деңизиниң қануний салаһийитиниң бекитилиши билән, дөләтниң чегра мәсилилириниң ахирлашқанлиқини билдүрди.

у һазирниң өзидә қазақистанниң барлиқ дөләт чегралириниң қануний һалда бирләштүрүлгәнликини билдүрүп: «сабиқ совет иттипақи дөләтлириниң көпинчисидә техичә бу мәсилидә һәр хил ихтилаплар бар. әң йеқин қошнилиримизниң чегралиридиму уруш вә қораллиқ тоқунуш йүз бериватиду» деди.

у сайлам мусаписиға киргән қазақистанда йеқинқи айларда дөләтниң учур системилириға қилиниватқан һуҗумларниң көпәйгәнликидин бешарәт берип: «йалған учурларниң тарқилишиниң алдини алимиз. буни илгириму ейтқан идим. муқәддәс дәп билидиған мустәқиллиқимизни вә дөләт мәнпәәтлиримизни пәқәт дипломатийә йардими биләнла әмәс, бәлки техиму қаттиқ күч билән қоғдашқа тәййармиз» деди.

у дөләтниң муқимлиқи вә бихәтәрликиниң, ташқи сийасәтниң күнтәртипигә тәсир қилғинидәк, ички сийаситигиму чоң тәсир көрситидиғанлиқини қәйт қилди.

у мундақ деди:

«дөлитимиздә вә чәт әлләрдә питнә-пасат вә дүшмәнлик уруқи терийдиғанлар бар болған әһвалда, ғәпләттә туралмаймиз» деди.