toqayéw qazaqistanda charléz mishélni kütüwaldi
yawropa kéngishi reisi charléz mishél qazaqistan pirézidénti qasim jömert toqayéw bilen körüshti.
türkiye awazi radiyosi xewiri: qazaqistan pirézidéntliq mehkimisi bayanat élan qilip, pirézidént qasim jömert toqayéwning paytext astanede resmiy ziyarette boluwatqan charléz mishélni aqorda pirézidéntliq mehkimiside kütüwalghanliqini uqturdi.
bayanatta körsitilishiche, pirézidént toqayéw bilen mishél yéshil iqtisad, qatnash, eshya oboroti mesilisi, énérgiye we yémeklik bixeterliki mesilisi hemde ottura asiya-yawropa otturisidiki özara tesirni chongqurlashturush toghrisida pikir almashturghan.
uchrishishtin kéyin élan qilinghan birleshme bayanatta, tereplerning qazaqistan bilen yawropa ittipaqining köp tereplimilik hemkarliqni, bolupmu kilimat özgirishi, su bayliqi we kishilik hoquq qatarliq sahelerdiki hemkarliqini téximu kücheytish, chongqurlashturush we kéngeytish shundaqla yawropa shirketlirining qazaqistangha yüzlinishi qatarliq mesililerde birdeklik hasil qilinghanliqi bildürüldi.
bayanatta yene, toqayéw bilen mishélning, yawropa bilen ottura asiya otturisidiki yéngi xelqaraliq qatnash karidorini kéngeytishning muhimliqini tekitligenliki qeyt qilindi.
مۇناسىۋەتلىك خەۋەرلەر
ezerbeyjan bash ministiri türkiyede ziyarette bolmaqta
ezerbeyjan bash ministiri eli esedof türkiyede dölet ishliri ziyaritide bolmaqta.
özbékistan bilen wéngiriye erkin iqtisadiy rayon quridu
özbékistanda wéngiriye we yawropa shirketliri üchün alahide erkin iqtisadiy rayon qurulidu.
