tajikistan pirézidénti imammeli rahman putinni tenqidlidi
tajikistan pirézidénti imameli rahman, rusiye pirézidénti wiladimir putindin ottura asiya döletlirige sabiq sowét ittipaqigha oxshash muamile qilmasliqini telep qildi.
türkiye awazi radiyosi xewiri: qazaqistanning paytexti astanede ötküzülgen ottura asiya-rusiye bashliqlar yighinining yépiq bölikige munasiwetlik ijtimaiy taratqularda tarqiliwatqan süretlerge qarighanda, tajikistan pirézidénti rahman rusiye pirézidénti putingha xitab qilghan.
u sözide, rusiye bilen bolghan munasiwetlerning barawer emeslikidin aghrinip, rusiyening özi köngül bölidighan yémeklik saheside ottura asiya bilen bolghan sodisini tereqqiy qildurghanliqini, emma shériklirige bu jehette barawer muamile qilmaywatqanliqini otturigha qoyghan.
pirézidént rahman, tajikistan xelqining sanining köp emeslikini, özlirining 100-200 milyon nopusqa ige dölet emeslikini tilgha élip: «emma bizning öz tariximiz, medeniyitimiz we xelqimiz bar. hörmetlinishni xalaymiz. biz namrat (dölet) emesmiz, yer asti bayliqliri mol bir döletmiz. biz istratégiyelik shérikimiz bolghan rusiyening menpeetlirige izchil hörmet qilip kelduq, bizmu bizge hörmet bildürülüshini we bashqa döletlerge oxshash barawer muamile qilinishini xalaymiz. nurghun pul xejleshning hajiti yoq» dégen.
yighingha sahibxanliq qilghan qazaqistan pirézidénti qasim jömert toqayéwning tajikistanliq mensepdishining sözini késip, sözlirini axirlashturushini telep qilishidin kéyin, imameli rahman putingha burulup: «wiladimir wiladimirowich, sizdin ottura asiya döletlirige sabiq sowét ittipaqigha oxshash siyaset yürgüzülmeslikini telep qilimiz. her bir döletning özige xas mesililiri, örp-aditi, enenliri bar. uyghun usulini tépip, her bir döletke uninggha chüshidighan shekilde muamile qilish kérek» dep sözlirini axirlashturghan.
مۇناسىۋەتلىك خەۋەرلەر
ezerbeyjan bash ministiri türkiyede ziyarette bolmaqta
ezerbeyjan bash ministiri eli esedof türkiyede dölet ishliri ziyaritide bolmaqta.
özbékistan bilen wéngiriye erkin iqtisadiy rayon quridu
özbékistanda wéngiriye we yawropa shirketliri üchün alahide erkin iqtisadiy rayon qurulidu.