türkiye: b d t ning uyghur doklati enqerening endishilirini delillesh xaraktérige ige

türkiye awazi radiyosi xewiri: türkiye jumhuriyiti tashqi ishlar ministirliqi bayanatchisi tanju bilgich, birleshken döletler teshkilati kishilik hoquq komitétining uyghur aptonom rayonining hazirqi ehwaligha munasiwetlik soalgha yazma jawab berdi.

bilgich, doklattiki delil – ispatlar we köz – qarashlarni nezerge élishning nahayiti muhimliqini tekitlep mundaq dédi: «birleshken döletler teshkilati kishilik hoquq komitétining uyghur aptonom rayonining nöwettiki weziyiti heqqide yéqinda élan qilinghan doklati, rayonda yashawatqan uyghur türkliri we bashqa musulman az sanliq milletlerge munasiwetlik dölitimizde we xelqara jamaetchilikte otturigha qoyuluwatqan endishilerni delillesh xaraktérige ige.»

u, türkiyening bu heqtiki sezgürlükining xitay dairilirigha yetküzülgenlikini eskertip mundaq dédi: «uyghur türklirining parawanliq we xatirjem yashishi, asasliq heq – hoquqlirining qoghdilishigha munasiwetlik teleplirimiz hem xitay xelq jumhuriyiti dairiliri bilen bolghan ikki tereplik uchrishishlirimizda, hemde birleshken döletler teshkilatini öz ichige alghan xelqaraliq munberlerde tekitlenmekte.»

xitayning teklipige binaen türkiyedin bir heyetning we türkiyening béyjingda turushluq elchixanisining rayonni ziyaret qilishining yéqindin buyan küntertipte ikenlikini eskertken bilgich, mundaq dep körsetti: «ziyaretlerning menilik, keng dairilik we tosalghusiz élip bérilishigha qarita teleplirimiz qandurulghan teqdirde, bu ziyaretler emelge ashurulidu.»

birleshken döletler teshkilati kishilik hoquq komitétining doklatida, uyghur aptonom rayonida xalighanche tutqun qilish, térrorizm we esebiylikke qarshi küresh nami astida éghir kishilik hoquq depsendichilikliri, jaza lagérlirida tutuluwatqanlargha qarshi ademni qattiq endishige salidighan ten jazaliri, nachar muamile we mejburiy tébbiy dawalash qatarliq ijraatlargha munasiwetlik ishenchilik doklatlarning barliqi eskertilgenidi.