оттура асийаниң әң чоң җамәси ечилди
қазақистанда қурулуши тамамланған оттура асийаниң әң чоң җамәси һесаблинидиған «бүйүк нур султан җамәси» мурасим арқилиқ ечилди.
түркийә авази радийоси хәвири: пайтәхт нур султанда йасалған җамәниң ечилиш мурасими, қазақистанниң қурғучи пирезиденти нурсултан нәзәрбайевниң иштирак қилишида өткүзүлди.
мурасимға, өзбекистан, қирғизистан, моңғулийә, русийә вә мисирдин диний даириләр, қазақистандики мусулман дөләтләрниң баш әлчилири вә көп санда ахбарат васитилири мәнсуплири иштирак қилди.
нәзәрбайев, мурасимда қилған сөзидә, җамә қурулушиниң асаслиқ һөддигири болған түркийәлик карханичи фәттаһ таминҗә, символ қурулуш гуруһи вә хизмәтчи - хадимлириға рәһмәт ейтти.
ечилиштин кейин, җамәдә җүмә намизи оқулди.
көлими тәхминән 68 миң кивадрат метир келидиған «бүйүк нур султан җамәси», оттура асийа бойичә әң чоң җамә һесаблиниду.
лайиһәләш вә қурулуш җәһәттә нурғун алаһидиликкә игә бу җамә, дунйадики 10 чоң җамәдин бири һесаблиниду.
бирла вақитта 35 миң адәм намаз оқуйалайдиған, ислам музейи, кутупхана, той зали, қуран кәрим дәрсханилири, йиғин зали вә үсти йепиқ аптомобил тохтитиш мәйданини өз ичигә алған «бүйүк нур султан җамәси» ниң, дөләтниң йеңи символлиридин бири болуши күтүлмәктә.
مۇناسىۋەتلىك خەۋەرلەر
түркийә қирим татарлири сүргини вә чәркәз сүргүнини хатирләп байанат елан қилди
түркийә қирим татарлири вә кавказдики қериндаш хәлқләрниң азабини ортақлишидиғанлиқини билдүрди.
