süriye uchrishishliri nursultanda bashlinidu
qazaqistan paytexti nursultanda ete (2022-yili 15-iyun) bashlinidighan süriye témisidiki 18-qétimliq astana uchrishishlirida, süriyelik musapirlarning yurt-makanlirigha qaytishi üchün teyyarlinidighan shert-sharaitlar asasliq küntertip maddisi bolidu.
türkiye awazi radiyosi xewiri: qazaqistan tashqi ishlar ministirliqi 18-qétimliq astana uchrishishlirining bashlinidighanliqi toghrisida bayanat élan qildi.
bayanatta bildürülishiche, 15-16-iyun künliri paytext nursultanda ötküzülidighan 18-qétimliq astana uchrishishlirining teyyarliqliri axirlashqan.
astana kapaletchiliri bolghan türkiye, rusiye we iran heyetliri ete süriye hakimiyitining wekilliri bilen süriye öktichilirining wekilliri bilen körüshidu. türkiye tashqi ishlar ministirliqining süriye ishliri bash mudiri selchuk ünal bashchiliqidiki heyet uchrishishlargha qatnishidu. ilgiriki astana uchrishilirigha közetküchilik salahiyiti bilen qatnashqan iyordaniye, iraq we liwandin bu qétim peqet iyordaniye heyitla qatnishidu. buningdin bashqa, b d t musapirlar aliy komissarliqi we xelqara qizil kirést jemiyitining wekillirimu uchrishishlargha közetküchilik salahiyiti bilen qatnishidu.
terepler süriyelik musapirlarning yurt-makanlirigha qaytishi üchün shert-sharaitlarni teyyarlashni asas qilghan halda, süriyediki insaniy we ijtimaiy-iqtisadiy weziyet, jenwediki asasi qanun komitétining xizmetliri, ishenchni kücheytidighan tedbirler, esirlerni qoyup bérish we yoqap ketken kishilerni izdesh qatarliq mesililerni muzakire qilidu.
ete bashlinidighan 18-qétimliq astana uchrishishliri 16-iyun échilidighan yighin bilen axirlishidu.
süriye mesilisini hel qilish üchün teshkil qilinghan astana uchrishishliri 2017-yili yanwardin tartip qazaqistan paytexti nursultanda dawam qilmaqta.
مۇناسىۋەتلىك خەۋەرلەر
ezerbeyjanda 5.2 bal yer tewridi
ezerbeyjan yer tewresh mulazimet merkizi yer tewresh heqqide bayanat élan qildi.
