оттура асийа дөләтлири билән хитай өзара һәмкарлиқларни кеңәйтидиғанлиқлирини билдүрди

түркийә авази радийоси хәвири: қазақистан пайтәхти нурсултанда ташқи ишлар министири мухтар тиләвбәрдиниң саһибханлиқида «оттура асийа дөләтлири вә хитай ташқи ишлар министирлириниң 3-қетимлиқ йиғини» өткүзүлди.

йиғинға, қирғизистан ташқи ишлар министири җәенбек қулубайев, түркмәнистан ташқи ишлар министири рашид мәрәдов, өзбекстан ташқи ишлар министири вәкили владимир норов, таҗикстанқатнаш министири азим ибраһим вә хитай ташқи ишлар министири ваң йи қатнашти.

тәрәпләр йиғинда, оттура асийа дөләтлири билән хитай арисидики көп тәрәплик һәмкарлиқни техиму кеңәйтишниң, районда тинчлиқ, муқимлиқ вә бихәтәрликни қоғдаштин башқа, давамлаштурғили болидиған иҗтимаий-иқтисадий тәрәққийат үчүн муһим икәнлики тәкитләнди.

йиғинда, оттура асийа дөләтлири билән хитай арисида бихәтәрлик, қатнаш, санаәт, килимат өзгиришкә қарши күрәш, йешил иқтисад, учур санаити, сәһийә, сайаһәтчилик, мәдәнийәт вә башқа истратегийәлик саһәләрни өз ичигә алған пилан-лайиһәләр тәстиқланди.

қазақистан ташқи ишлар министири мухтар тиләвбәрди йиғиндин кейин байанат елан қилип: «дийалог форматидики йиғин рамкисида, көп тәрәплик һәмкарлиқларни күчәйтишкә, униң муһим йошурун күчини оттуриға чиқиришқа, оттура асийа районини тинчлиқ, достлуқ, өзара йардәм вә давамлаштурғили болидиған тәрәққийатқа көңүл бөлидиғанлиқимизни йәнә бир қетим испатлидуқ» деди.

хитай ташқи ишлар министири ваң йи оттура асийа дөләтлири билән көп тәрәплик һәмкарлиқни кеңәйтишни үмид қилидиғанлиқлирини билдүрди.

ваң фамилилик йиғинда, өзара һөрмәт, өзара мәнпәәт йәткүзүш вә йахши қошнидарчилиқ рамкисида, оттура асийаниң мустәқиллиқи, тинчлиқи вә келәчики үчүн ортақ тиришчанлиқ көрситиш мәсилисидә пикир бирлики һасил қилғанлиқлирини билдүрди.

у хитай-йавропа йолиниң бихәтәр вә муқим болушиға капаләтлик қилидиғанлиқлирини әскәртти.