ершат салиһи п к к ниң кәркүктики мәвҗутлуқи һәққидә агаһландурушта болди

түркийә авази радийоси хәвири: ершат салиһи йазма байанатида, кәркүкниң шималидики шуван районида терорлуқ тәшкилати п к к әзалириниң бир йәргә топлишип чоң тәбрикләш паалийити өткүзгәнликлирини, буниң шәһәргә нисбәтән еғир тәһдит шәкилләндүргәнликини билдүрди.

ершат салиһи кәркүктики федератсийә бихәтәрлик қисимлирини районниң бихәтәрликини техиму йахши вә техиму әстайидил контрол қилишқа чақирди.  

ершат салиһи терорлуқ тәшкилати п к к әзалириниң кәркүктә чоң тәбрикләш паалийәтлири өткүзүшиниң ирақ хәлқигә, һөкүмитигә вә парламентиға доел елан қилиш характиригә игә икәнликини тәкитлиди.  

ершат салиһи ирақ һөкүмити вә ирақ курд районлуқ һөкүмитини кәркүк вә ирақтики терорлуқ тәшкилати п к к ниң мәвҗутлуқиға хатимә бериш үчүн җиддий қәдәмләрни ташлашқа вә  һәрикәткә өтүшкә чақирди.