dunyaning herqaysi jaylirida xojali qetliamining 30 yilliqi xatirilendi
1992 – yili ezerbeyjanning taghliq qarabagh rayonining xojali shehiride erméniye qisimlirining qirghinchiliqigha uchrighan ayallar we balilarni öz ichige alghan 613 adem, qetl qilinghanliqining 30 - yilida amérikaning washington shehiride xatirilendi.
türkiye awazi radiyosi xewiri: ezerbeyjanning washingtondiki elchixanisi kénnidi merkizide «heqiqet we adalet» dégen nam astida paaliyet uyushturdi.
türkiyening washingtonda turushluq bash elchisi hesen murat merjan we amérikada yashaydighan ezerbeyjanliqlar ishtirak qilghan paaliyette irqiy qirghinchiliqning qurbanliri xatirilendi.
xojali shehiride 613 adem qirghin qilinghanliqining 30 yilliqi munasiwiti bilen shiwitsiyening paytexti stokholmdimu xatirilesh paaliyiti ötküzüldi.
ezerbeyjanning stokholmdiki bash elchixanisi teripidin gallér péppa senet merkizide uyushturulghan paaliyette, shiwétsiyelik fotograf mikail slkébérg 2021 – yili 11 – ayda qarabaghda tartqan erméniye qirghinchiliqida buzghunchiliqqa uchrighan tarixiy imaretler körgezme qilindi.
xojali shehiride ermenler teripidin qetl qilinghan ezerbeyjan puqraliri yene bélgiyening paytexti biryusséldimu xatirilendi. erkinlik abidisi aldida ötküzülgen murasimgha ezerbeyjanning biryussélda turushluq bash elchisi wagif sadiqofmu qatnashti.
1992 – yili 26 – féwral küni erméniye qisimlirining ezerbeyjanning üstün qarabagh rayonidiki xojali yézisigha bésip kirip hujum qilishi netijiside 106 si ayal, 63 i nariside bala, 70 i yashanghanlar bolup, jemiy 613 ezerbeyjan puqrasi wehshiylerche qetl qilghanidi.
مۇناسىۋەتلىك خەۋەرلەر
ezerbeyjanda 5.2 bal yer tewridi
ezerbeyjan yer tewresh mulazimet merkizi yer tewresh heqqide bayanat élan qildi.
