нәзәрбайевниң барлиқ һоқуқи әмәлдин қалдурулди
қамзақистан пирезиденти қасим җөмәрт тоқайев дөләтниң қурғучи пирезиденти нурсултан нәзәрбайевниң барлиқ сийасий һоқуқлирини әмәлдин қалдурған қанунни тәстиқлиди.
түркийә авази радийоси хәвири: қазақистан пирезидентлиқ мәһкимиси нурсултан нәзәрбайевға мунасивәтлик қануниң имзаланғанлиқи тоғрисида байанат елан қилди.
байанатта билдүрүлишичә, пирезидент тоқайев асасий қанундики биринчи пирезидент-әлбаши қануниға түзитиш киргүзүш тәклип қилинған қанунни тәстиқлиған. буниңда, нәзәрбайевниң қазақистан хәвпсизлик кеңиши вә хәлқ ансамбилидики «өмүрвайәт пирезидент болуш» һоқуқи әмәлдин қалдурулған.
дөләтниң ички вә ташқи сийаситигә мунасивәтлик мәсилиләрдә, нәзәрбайев билән бирликтә қарар қилиш тәклип қилинған маддиму чиқириветилгән.
мәзкур қанун лайиһәси буниңдин илгири қазақистан парламенти тәрипидин тәстиқлинип, пирезидентниң тәстиқлиишға әвәтип берилгән иди.
нурсултан нәзәрбайев дөләтни тәхминән 30 йил башқурғандин кейин, 2019-йили пирезидентлиқ һоқуқидин истепа бәргән иди. әмма, қазақистан хәвпсизлик кеңиши вә қазақистан хәлқ ансамбилиға өмүрвайәт пирезидентлиқ қилиш һоқуқини сақлап қалған иди.
مۇناسىۋەتلىك خەۋەرلەر
әзәрбәйҗанда 5.2 бал йәр тәвриди
әзәрбәйҗан йәр тәврәш мулазимәт мәркизи йәр тәврәш һәққидә байанат елан қилди.
әзәрбәйҗан – әрменийә тинчлиқ сөһбити башланди
әзәрбәйҗан билән әрменийә оттурисидики тинчлиқ сөһбити қазақистанниң алмата шәһиридә башланди.
