qirghizistan qazaqistangha esker ewetish qararnamisi maqullidi
qirghizistanning qazaqistangha esker ewetishining yolini achqan qararname qirghizistan parlaménti omumiy kéngishide qobul qilindi.
türkiye awazi radiyosi xewiri: qirghizistan parlaménti omumiy kéngishi, kolliktip bixeterlik shertnamisi teshkilati tinchliq saqlash qismi dairiside, qazaqistanning nöwettiki weziyiti sewebidin qirghiz eskerlerning qazaqistangha ewetilishige munasiwetlik qararnamini muzakire qilish üchün pewquladde yighin chaqirdi.
qirghizistan pirézidénti sadir japparowning testiqlishidin kéyin ministirlar kéngishi teripidin parlaméntqa sunulghan we parlamént omumiy kéngishide talash - tartish qilinghan qararname, yépiq olturushlardin kéyin, köp sanliq parlamént ezalirining qollap awaz bérishi netijiside qobul qilindi.
qirghizistanning qazaqistangha esker ewetishining yolini achqan bu qararname arqiliq, aldinqi hepte qesem ichip wezipe öteshke bashlighan 7 – nöwetlik parlamént, tunji qararini chiqarghan boldi.
yene bir tereptin, parlamént pelempeyliride toplanghan bir guruppa, qirghizistanning qazaqistangha esker ewitishining yolini achqan qararnamige naraziliq bildürdi.
qirghizistanning, kolliktip bixeterlik shertnamisi teshkilati tinchliq saqlash qismi dairiside qazaqistangha 150 esker ewetidighanliqi bildürülgenidi.
مۇناسىۋەتلىك خەۋەرلەر
ezerbeyjanda 5.2 bal yer tewridi
ezerbeyjan yer tewresh mulazimet merkizi yer tewresh heqqide bayanat élan qildi.
ezerbeyjan – erméniye tinchliq söhbiti bashlandi
ezerbeyjan bilen erméniye otturisidiki tinchliq söhbiti qazaqistanning almata shehiride bashlandi.