toqayéw qazaqistan xelqige xitab qildi

türkiye awazi radiyosi xewiri: qazaqistan pirézidénti qasim jömert toqayéw xelqning özini qollighanliqidin xatirjem ikenlikini bildürüp: «néme bolushidin qetiynezer, paytext nursultanda bolimen. xelqni qollash méning asasiy qanunda belgilengen wezipem. qazaqistan tarixidiki bu zulmetlik mezgildin hemmimiz birlikte ötüp kétimiz, buningdin téximu küchlinip chiqimiz» dédi.

u téléwiziye qanallirida xelqqe xitab qilip, namayishlarda kishilerning xewpsizlik küchlirige keng kölemde hujum qilghanliqini eskertti.

u xewpsizlik tarmaqliri arisida jénidin ayrilghan we yarilanghanlarning barliqini eskertip,namayishchilarning «qaraqchilardin teshkillengenliki» bildürdi.

u namayishchilarning eskerlerni urghanliqini, ayallargha poxurluq qilip, dukanlarni bulighanliqini qeyt qildi.

u hazirqi ehwalning almuta xelqining bixeterlikige tehdit salghanliqini bildürüp, bashqa sheherlerdimu weziyetning oxshashliqini, buninggha sewr qilalmaydighanliqlirini tekitlidi.

u bu sewebtin jiddiy ehwal élan qiilnghanliqini xatirilitip: «jiddiy ehwal zörür tedbir. pirézidént bolush süpitim bilen puqralarning bixeterlikini we tinchliqini, döletning pütünlükini qoghdashqa mejburmen» dédi.

u: «pirézidént bolush süpitim bilen, bügündin bashlap xewpsizlik kéngishining bashliqi bolup, imkaniyetning bériche qattiq tedbirlerni yolgha qoyush niyitim bar. bu mesile manga iltimas qilghan, jénini we aililirini qoghdashni telep qilghan puqralirimizning bixeterlikige munasiwetlik. yene kélip, bu mesile dölitimizning bixeterlikige munasiwetlik» dédi.

u xelqning özini qollighanliqidin xatirjem ikenlikini tekitlep, sözini mundaq dawamlashturdi:

«néme bolushidin qetiynezer, paytext nursultanda bolimen. xelqni qollash méning asasiy qanunda belgilengen wezipem. qazaqistan tarixidiki bu zulmetlik mezgildin hemmimiz birlikte ötüp kétimiz, buningdin téximu küchlinip chiqimiz.»

u pat arida siyasiy islahatqa munasiwetlik yéngi tekliplerni öz ichige alghan bayanatlarni élan qilidighanliqini we islahatqa munasiwetlik meydanining özgermigenlikini alahide eskertti.

qazaqistan taratquliridiki xewerlerde bildürülishiche, dölet miqyasida jiddiy halet élan qilinghan. almutada waliy mehkime binasini we bashqa hökümet, idare-organlarning binalirini igelliwalghan namayishchilar, 120 etrapidiki dukan, 100 etrapida ishxana we texminen 200 réstoran hemde qehwexanilarni bulighan.

almuta bilen aqtawda ayropilan seperliri toxtitildi. paytext nursultandimu ayropilan seperlirining toxtitilghanliqi ilgiri sürüldi.

qazaqistanning gherbide 2-yanwar (2022) suyuqlandurulghan gaz bahasining östürülüshi we dölettiki ijti,aiy, iqtisadiy weziyetning nacharliship ketkenlikini seweb qilip bashlanghan namayishlar, bashqa jaylarghimu kéngeydi.

kochilardiki namayishlarda, xewpsizlik tarmaqliri bilen namayishchilar otturisida toqunushlar yüz berdi.

xewpsizlik tarmaqliri saqchi we herbiy aptomobillargha ot qoyup, hökümet binalirigha kirgen namayishchilarni awaz bombisi étip tarqatti.

qazaqistan pirézidénti qasim jömert toqayéw partlighan namayishlargha hökümetning mesul ikenlikini bildürüp, hökümetning istépasini qobul qildi.

namayishlarning bezi rayonlargha kéngiyishi bilen, paytext nursultan, almuta shehiri we mangistaw ishtatlirida jiddiy halet élan qilindi.