özbékistan uniwérsitétlarda yaghliq chégish we uzun kiyim cheklimisi yoqluqini bildürdi

türkiye awazi radiyosi xewiri: özbékistan aliy we kespiy maarip ministirliqi bayanatchisi zeper amirqulow bayanat bérip, ijtimaiy taratqular we bezi axbarat wasitilirida orun alghan özbéksitan uniwérsitétlirida yaghliq chégish we uzun kiyim kiyishning cheklengenliki toghrisidiki xewerlerning heqiqetni ekis ettürmeydighanliqini bildürüp: «aliy we kespiy maarip ministirliqi oqughuchilarning kiyim – kécheklirige héchqandaq cheklime qoymidi. kishilik hoquq we erkinlik bizning muhim ishimiz bolup, biz buninggha hörmet qilimiz» dédi.

her bir uniwérsitétning oqughuchilarning kiyinishige munasiwetlik qaidilerni kishilik hoquq we erkinlik pirinsiplirigha özi belgileydighanliqini bildürgen bayanatchi amirqoluw, uniwérsitétlarning oqughuchilargha yaghliq yaki uzun kiyim toghrisida héchqandaq bésim we cheklime qoymighanliqini, oqughuchilarning bu jehette erkin ikenlikini otturigha qoydi.

u, réalliq bilen munasiwiti yoq bu xil xewerler döletning obrazigha dagh tegküzüsh meqsitide uydurulghanliqini ilgiri sürdi.