ezerbeyjanda mina partilap 2 ishchi qaza qildi
ezerbeyjanning shusha rayonida, erméniyening ishghaliyiti mezgilide kömüp qoyulghan minaning partilishi netijiside 2 qurulush ishchisi hayatidin ayrildi.
türkiye awazi radiyosi xewiri: ezerbeyjan bash teptish mehkimisining bildürüshiche, hayatidin ayrilghanlar, erméniyening ishghaliyetke xatime bérishidin kéyin, shusha rayonida qurulush we ul eslihe ishlirini élip bériwatqan shirketlerning ishchiliri orhan hanatow we wusal béndélyéw bolup, mehkime bu weqege munasiwetlik jinayi ishlar délosi turghuzghan.
ikkinchi qarabagh urushi axirlashqan 2020 – yili 10 – noyabirdin tartip hazirghiche, erméniyening ishghaliyiti mezgilide kömüp qoyulghan minalarning partlishi netijiside 7 si esker bolup, jemiy 36 ezerbeyjanliq qaza qilghan, 109 eskerni öz ichige alghan 153 kishi yarilanghan.
ezerbeyjan – erméniye chégra liniyesidimu, erméniye armiyesining oq chiqirishi netijiside bir ezerbeyjan eskiri shéhit bolghanidi.
ezerbeyjan dölet mudapie ministirliqi, bu heqte élan qilghan bayanatida, chégra liniyesining kelbejer rayonida, erméniye eskerlirining yérim kéchide ezerbeyjan herbiy nuqtilirigha oq chiqarghanliqini, hujumda bir ezerbeyjan eskirining shéhit bolghanliqini, ezerbeyjan armiyesining mudaxilisi netijiside, hujumning axirlashqanliqini bildürgenidi.
مۇناسىۋەتلىك خەۋەرلەر
ezerbeyjanda 5.2 bal yer tewridi
ezerbeyjan yer tewresh mulazimet merkizi yer tewresh heqqide bayanat élan qildi.